वैद्यकीय पदवी परीक्षा आता दहा जून पासून होणार - वैद्यकीय शिक्षण मंत्री अमित देशमुख

मुंबई प्रतिनिधी : राज्यातील वैद्यकीय विद्यार्थ्यांच्या दि. 2 जून  पासून सुरू होणाऱ्या परीक्षा आता दि. 10 जून ते 30 जून 2021 या दरम्यान घेण्यात येणार आहेत, अशी माहिती वैद्यकीय शिक्षण मंत्री तथा आरोग्य विज्ञान विद्यापीठाचे प्रती कुलपती अमित विलासराव देशमुख यांनी आज दिली. राज्यातील वैद्यकीय विद्यार्थ्यांच्या  परीक्षा संदर्भात  आज मंत्रालयात झालेल्या चर्चेनंतर हा निर्णय घेण्यात आला आहे. यावेळी आरोग्य विज्ञान विद्यापीठाचे परीक्षा नियंत्रक डॉ. अजित पाठक चर्चेस उपस्थित होते.

       या परीक्षांमध्ये एम.बी.बी.एस., बी.डी.एस., बी.ए.एम.एस., बी.यु.एम.एस., बी.एच.एम.एस., बी.पी.टी.एच., बी.ओ.टी.एच. आणि बी.एस.सी.नर्सिंग या पदवी परीक्षांच्या प्रथम, द्वितीय आणि तृतीय वर्षांच्या परीक्षांचा  समावेश आहे. या वैद्यकीय पदवी  परीक्षां सोबतच मॉडन मिड लेव्हल सर्व्हिस प्रोव्हायडर कोर्स तसेच सर्टिफिकेट कोर्स इन फर्माकॉलॉजी या परीक्षाही या कालावधीत घेण्याचा निर्णय घेण्यात आला आहे.

दिगंबर वाघ            

कार्यकारी संपादक-९४०४४५३५८८