महापौर किशोरी पेडणेकर यांनी व्ही.एन. शिरोडकर प्रसूतिगृह येथील लसीकरण केंद्राची पाहणी केल्यानंतर संबंधित महापालिका अधिकाऱ्यांशी संवाद साधला. ८० वर्षावरील नागरिकांचे ऑफलाइन पद्धतीने या ठिकाणी लसीकरण होत आहे, ही अत्यंत चांगली बाब असल्याचे महापौर म्हणाल्या.यामुळे या केंद्रावर कुठलाही गोंधळ न होता शांततेत लसीकरण होत असून इतर केंद्रांवर सुद्धा ८० वर्षावरील ज्येष्ठ नागरिकांना प्रथम प्राधान्य देण्याचे निर्देश महापौरांनी यावेळी संबंधित अधिकाऱ्यांना दिले. लसींचा मर्यादित स्वरूपात पुरवठा होत असल्यामुळे लसीकरण केंद्रांवर गर्दी पाहायला मिळत असून ज्या प्रमाणात लसीचा पुरवठा होईल त्या प्रमाणात लसीकरणाचा वेग वाढेल. कोणत्याही नागरिकांना लसीकरणापासून वंचित ठेवणार नसून नागरिकांनी या संपूर्ण लसीकरण मोहिमेला सहकार्य करावे, असे आवाहन महापौरांनी यावेळी केले.
दिगंबर वाघ 
