स्वच्छतेच्या कामाबाबत कुचराई केल्यास खपवून घेतले जाणार नाही ! डॉ. विजय सूर्यवंशी आयुक्त
25 मे, 2020 पासून " शुन्य कचरा मोहिम" महापालिकेने सुरु केली, परंतू Garbage Vulnerlable Points (GVP- वारंवार कचरा पडणारी ठिकाणे) अदयाप काही ठिकाणी आहे. त्यामुळे प्रत्येक मुख्य आरोग्य निरिक्षक/ आरोग्य निरिक्षक यांनी 2 GVP आणि शिक्षकांनी 1 GVP ची नियमित पाहणी करुन ते बंद होतील अशा उपाययोजना कराव्यात, अशा सुचना त्यांनी यावेळी दिल्या. घकव्य चे उपआयुक्त रामदास कोकरे यांच्या आवाहनाला प्रतिसाद देवून काही शिक्षक कचरा पडताळणी कामी पुढे सरसावले. शिक्षकांकडे समाजाचे मत परिवर्तनाची, लोकांना पटवून देण्याची चांगली क्षमता असते त्यामुळे शिक्षकवर्गाची याकामी खुप मदत झाली, या शब्दात त्यांचे आयुक्तांनी विशेष कौतुक केले.सार्वजनिक शौचालयाच्या स्वच्छतेकडेही लक्ष दयावे, अशा सुचना आयुक्तांनी बैठकीत उपस्थित असलेल्या मुख्य आरोग्य निरिक्षक/आरोग्य निरिक्षक यांना दिल्या.
महापालिका आयुक्त डॉ. विजय सूर्यवंशी यांच्या निर्देशानुसार दि. 25 ते 31 ऑक्टोबर दरम्यान राबविल्या जाणा-या विशेष स्वच्छता सप्ताहात घकव्य विभागाचे उपआयुक्त रामदास कोकरे यांनी काटेकोरपणे पूर्ण नियोजन करावे , असे निर्देश महापालिका आयुक्तांनी यावेळी दिले.
दिगंबर वाघ
.jpeg)
