हिंदुह्रदयसम्राट शिवसेनाप्रमुख बाळासाहेब ठाकरे यांच्या पुतळ्याचे मुख्यमंत्र्यांच्या हस्ते अनावरण
ज्येष्ठ नेते शरद पवार, बाळासाहेब थोरात, विरोधी पक्ष नेते देवेंद्र फडणवीस, राज ठाकरे यांच्यासह मान्यवरांची उपस्थिती
यावेळी ज्येष्ठ नेते खासदार शरद पवार यांच्या हस्ते कोनशिलेचे अनावरण करण्यात आले. पुतळ्याचे शिल्पकार शशिकांत वडके, वास्तुविशारद रोहन चव्हाण, सल्लागार भुपाल रामनाथकर, अभियंता प्रदीप ठाकरे यांचा यावेळी सत्कार करण्यात आला यावेळी माध्यम प्रतिनिधींशी बोलताना मुख्यमंत्री उद्धव ठाकरे म्हणाले की, माझ्या आयुष्यातील हा अविस्मरणीय दिवस आहे. हा कायम लक्षात राहण्यासारखा क्षण आहे. शिवसेनाप्रमुख मोठे मार्गदर्शक होते. शिवसेनाप्रमुखांचे मार्गदर्शन कायम फायदेशीर ठरणार आहे. शिवसेनाप्रमुखांचे सर्व पक्षातील नेत्यांसोबत ऋणानुबंध होते. आज या समारंभासाठी सर्वपक्षीय नेते एकत्र आले, त्याचा आनंद होत आहे, असे ते म्हणाले.
शिवसेनाप्रमुखांच्या या पुतळ्याची उभारणी प्रबोधन प्रकाशनच्या वतीने करण्यात आली आहे. पुतळा ९ फूट उंच असून बाराशे किलो ब्राँझपासून बनविण्यात आला आहे. पुतळा दोन फूट उंच हिरवळीसह सुमारे १४ फूट उंचीच्या चौथऱ्यावर बसविण्यात आला आहे.
दिगंबर वाघ कार्यकारी संपादक-९४०४४५३५८८
🙏 एक वचन तीन नियम 🙏
१) मास्क वापरा २) हात धुवा ३) अंतर ठेवा
