ई ऑफीस प्रणाली वापरण्यास सोपी आणि सुलभ असावी - मुख्यमंत्री उद्धव ठाकरे
ज्या विभागात मोठ्या प्रमाणात नस्त्यांची निर्मिती होते त्या विभागातील सर्व अधिकारी आणि कर्मचाऱ्यांना ई-ऑफीस प्रणालीचे प्रशिक्षण देण्यात यावे अशा सूचना करून मुख्यमंत्री ठाकरे म्हणाले की, ई-ऑफीस प्रणालीचे सर्व विभागांच्या सचिव आणि संबंधित मंत्र्यांसमोर सादरीकरण करण्यात यावे. त्यांच्या सूचनाही घेण्यात याव्यात. ई ऑफीसच्या माध्यमातून मुख्यमंत्री कार्यालयात येणारा पत्रव्यवहार हाताळतांना संबंधितांना त्यासंबंधीच्या सूचना व त्यांनी पाठवलेल्या पत्रावरची कार्यवाही कळवली जावी. ही ई ऑफीस प्रणाली सुरक्षित आणि परिपूर्ण असावी असेही मुख्यमंत्री ठाकरे यावेळी म्हणाले.
विभागाच्या प्रधान सचिव आभा शुक्ला यांनी 15 शासकीय विभागांच्या 1500 अधिकारी आणि कर्मचाऱ्यांना ई -ऑफीस प्रणालीचे प्रशिक्षण दिले असल्याची माहिती दिली.
दिगंबर वाघ 
