नवे मुख्यमंत्री शिंदे उपमुख्यमंत्री फडणवीसांना शुभेच्छा आपल्या हातून महाराष्ट्रामध्ये चांगले काम होवो...
मुंबई प्रतिनिधी अरुण पाटील : महाराष्ट्र राज्याचे नवनियुक्त मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना राज्याचे माजी मुख्यमंत्री तथा शिवसेना प्रमूख उद्धव ठाकरे यांनी भावी वाटचालीसाठी शुभेच्छा दिल्या आहेत. ''आपल्या हातून महाराष्ट्रामध्ये चांगले काम होवो, ही सदिच्छा'' असे ट्विट त्यांनी केले आहे.
बंडखोर शिवसेना नेते एकनाथ शिंदे यांनी गुरुवारी महाराष्ट्राचे मुख्यमंत्री म्हणून आणि उपमुख्यमंत्री म्हणून देवेंद्र फडणवीस यांनी शपथ घेतली. राज्यपाल भगतसिंह कोश्यारी यांनी ही शपथ दिली. या सोहळ्यानंतर गेल्या दहा दिवसांपासून रंगलेल्या राज्यातल्या सत्तासंघर्षाला अखेर पूर्णविराम मिळाला आहे.
शपथविधी सोहळ्यात शिंदे समर्थकांनी शिवसेनाप्रमुख बाळासाहेब ठाकरे यांच्या नावाची जोरदार घोषणाबाजी केली, उद्धव ठाकरे शपथविधीला उपस्थित राहणार का? हा सवाल उपस्थित केला जात होता पण ते या शपथविधीला उपस्थित नव्हते पण शपथविधी झाल्यानंतर त्यांनी बंडखोरी केल्यानंतरही मुख्यमंत्रीपदी विराजमान झालेले एकनाथ शिंदे आणि उपमुख्यमंत्री देवेंद्र फडणवीस यांना शुभेच्छा दिल्या आहेत. नवे सरकार शनिवारी विधानसभेच्या पटलावर बहुमत सिद्ध करणार आहेत.
मुख्यमंत्री पदाची शपथ घेतल्यानंतर माध्यमांशी बोलताना एकनाथ शिंदे म्हणाले की, हा बाळासाहेबांच्या आणि धर्मवीर आनंद दिघे साहेबांच्या विचारांचा विजय आहे. राज्याचा विकास, महाराष्ट्राच्या सर्व घटकाला न्याय देण्याचे काम करू. सर्वांना सोबत घेऊन, विश्वासात घेऊन काम करेन. आता देवेंद्र फडणवीस सुद्धा सोबत आहेत. या साऱ्यांच्या साथीने विकासाचा गाढा हाकेन आपल्या हातून महाराष्ट्रामध्ये चांगले काम होवो शिवसेना पक्षप्रमुख उद्धव ठाकरेंकडून नवे मुख्यमंत्री शिंदे उपमुख्यमंत्री फडणवीसांना शुभेच्छा.
ॲड.दिगंबर वाघकार्यकारी संपादक ९४०४४५३५८८
निर्बंध नको असतील तर शिस्त पाळा,मास्क वापरा, लसीकरण करुन घ्या..
